MAPISHI YA MABOGA NA VIAZI VITAMU,MBOGA MBOGA NA MINOFU YA KUKU.

MABOGA NA VIAZI VITAMU

Nimechukua maboga nikaamenya nikaosha na kukata kata vipande vidogo vidogo.Na viazivitamu pia nikamenya na kuosha kisha nikakata vipande vidogo vidogo nikavichanganya na maboga kwenye sufuria moja.Nikaweka maji kiasi chumvi kidogo na 

Kisha nikavibandika jikoni vichemke na kuiva kwa muda wa nusu saa.Vilipoiva nikavitoa jikoni nikachuja maji yote nikaviponda ponda na kuwa laini kabisa kisha nikaviweka siagi itokanayo na maziwa.Nikakoroga vizuri ili iyeyuke na viwe bado vya moto na harufu nzuri baada ya hapo ikawa tayari kuliwa.

MBOGA MBOGA
Kwenye mboga mboga kuna kitunguu maji,kitunguu saumu,karoti,hoho nyekundu na njano,maharage machanga,brocol hii mboga sijui kiswahilo chake na kolimaua.
Niliweka mafuta kwenye kikaango natumia mafuta ya alizeti yalipopata moto nikaweka kitunguu nikakaanga pamoja na kitunguu saumu vilipokuwa brown nikaweka nyanya kidogo.Nyanya zilipoanza kuiva nikaweka chumvi na baadae nikaweka mboga mboga zote na kuzikoroga kuchanganya vizuri.Nikaongezea ndimu ili kuichangamsha.Baada ya dk 10 nikaipua maana haitakiwi kuiva sanaa kidogo tu.

KUKU MINOFU
Mnofu wa kuku ni eneo la kidari huwa lina mnofu wa kutosha.Nilichofanya niliosha kuku vizuri nikamkamulia ndimu na nikaweka tangawizi ilotwanga ikalainika vizuri na chumvi.Nikaweka kwenye frying pan kisha motoni nikaongeza maji kidogo.Nikamuacha aive mpaka maji yote niloweka yakauke kabisa na kuku akauke na kujikaanga na mafuta yakr kama yapo.Nikanyunyizia pili pili manga kwa juu akakauka kabisa kisha nikamtoa tayari kwa kuliwa.Hapa sijatumia mafuta kabisa.

Kama sahani inavyoonekana katika picha hapojuu inaliwa huo mchanganyiko wa viazi vitamu na boga,mboga mboga na kuku.Ni tamu mno na rahisi kupika.Hizo mboga mboga unaweza pia kuzila na wali hata chips hiyo kuku.